L'access ad infurmaziuns fidablas resta garantì – las votantas ed ils votants din cleramain NA al tagl medial radical
Il comité «NA a l'iniziativa cunter la SRG SSR» è levgià e sa legra fitg che l'iniziativa «200 francs bastan!» è vegnida refusada oz. Las votantas ed ils votants han impedì oz la reducziun radicala da l'infrastructura mediala. Noss access ad infurmaziuns fidablas resta garantì. Il resultat dad oz è in cler e repetì mussament che la populaziun svizra vul ina SRG SSR ferma e digitala e sustegna il sistem da medias svizzer cumprovà .
MalgrĂ il success da votaziun odiern sto la SRG SSR sbassar sias taxas per la terza giada entaifer
diesch onns e spargnar fin il 2029 var 270 milliuns francs en il rom dal cuntraproject dal Cussegl
federal.
Nus appellain a las forzas che cumbattan la SRG SSR da respectar la decisiun democratica dad oz
che conferma repetidamain la purschida da la SRG SSR. Novas attatgas sin il service public na fissan
betg mo malonestas, mabain ignorassan la decisiun democratica odierna dal pievel. La SRG SSR
dovra ussa stabilitad politica per realisar la transfurmaziun pretensiusa gia introducida.
Il NA dad oz rinforza la coesiun svizra e la chapientscha vicendaivla tranter tut las regiuns linguisticas
e culturalas. Igl è ina decisiun impurtanta per ina societad infurmada che po quintar er en temps da
crisa cun ina SRG SSR ferma ed independenta.